ISLAND CITY EXPRESS BUS - NAAKSIDENTE , 5 PATAY

Usa ka Island City Express nga pampasaheroang bus ang nadisgrasya sa may Km. 16 , Brgy. Poblacion, Kaputian Dist., Island Garden City of Samal niadtong adlawng Martes , Oktubre 30 tuig dos mel dose. 

Nahitabo ang maong aksidente banda alas 11:20 sa udto kung diin 5 ka mga biktima ang patay lakip na ang driver na si Mr. Simpronio Rubio , 55 anyos na taga Barangay Villarica , Babak, Samal. Nakaangkon usab og mga injuries ang dise-otso (18) ka mga pasahero na sa kasamtangan gipadayon pang gitambalan sa Southern Philippines Medical Center (SPMC) , tulo (3) usab ka mga biktima ang anaa nagpatambal sa San Pedro Hospital og usa (1) ka 3ka buwang buntis na si Genelyn Salinas nga anaa karun sa Davao Doctors’ Hospital. 

Sumala kang Police Inspector Juanito Pacaña, Station Commander sa Kaputian PNP , gikan pa sa Davao City padulong sa Kaputian District ang maong pampasaherong bus na Island City Express na may plate no. LWU 8813. Pag-abot sa may Km. 16, Barangay Poblacion, Kaputian District , sa may palugsongong dapit , kalit na lamang na nawad-an og preno sa gimanihong bus si Mr. Rubio na misalmot sa pagkabangga niini. Pero mayo na lang kay walay laing sakyanan o mga tawo nga naangin sa maong pagkabangga. Sa pagkakarun, neatibo pa o wala pa’y gipagawas na Pahayag ang management sa Island City Express mahitungod sa maong aksidente.

(JHONY QUIAMCO-QUIZADA)